انفصال اسلاك الذكاء ..

اذهب الى الأسفل

انفصال اسلاك الذكاء ..

مُساهمة  غرشوب في الجمعة ديسمبر 21, 2007 6:33 am

السلام عليكم والرحمه ..
انفصال اسلاك الذكااااء هذي تلقووونها في كثير من الناااس تقريباً كل الناااس ...
وبذكر لكم مواااقف واتمنى تشاركووون معي بالردود .
....
انا داخلتن موقع مرره ولقيت هالموضوع والله ياني ظحكككككت على مواقفهم .. ابنقل لكم المواقف بس قبل بذكر لكم موقف حصل لي

.. مره ن المراريت من زماااااااااان ايام الابتدائي شاريتن جزمه جديده ومغير اناظر فيها واقوووول ياااسلاااام متى بس يجي بكرا عشان ألبسها
ويااسلاااام قمت الصباح وانا مستااانسه شاريتن جززمااااه حلوووووه
ولبست وقظيت بعدين يوم جيت اطلع رحت ادور جزمتي قلت ايييه صح لازم البس الشرااااب والبسهااا
رحت لبست الشراب ومن هنا انفصل السلك .. لبست الشراب بعدين قمت ادور بالصاله واقوول يووه كنت بروح لشي حلوو مره وشو بس ؟؟؟ واسمع امي تناديني يااللله عجليييي علي بسرعه
واقول طيب طيب بدخل الحمام ( الله يكرمكم) عشان بس اتذكر وشوو ؟؟ لاني خابرته شي زين بس نسيته .. وللحين السلك مفصول .. واطلع من الحمام واقول يالله بس اذا رجعت اتذكره ..ويوم ركبت السياره واقولل ايييه الحمدلله اول مااوصل بأوري صديقاتي الجزمه
واوصل المدرسه وبالفسحه .. ان ماشبك للحيييييين مانتبهت وش انا لابسه !!!
المهم واجلس في الكراسي ازين عشان كل من مر يشوف جزمتي الجديده ومير احط رجل على رجل وأشوف وش انا مهببه ؟؟ ياربيييه !! وش اانااا لاااابسه ؟؟؟شبشب حمام اخظر


وهذا موقف قريته في احدى المنتديات حلوو وظحكت عليه ..
تقول ::
قبل كم يوم كلمت وحده اعزيها في امها وكانت امها لها مده في المستشفى حول شهرين وكنت كل فتره اكلم اسال عنها
المهم الحرمه ماتت الله يغفر لها وكلمتها اعزيها ودار هالحوار بينا
هلاا فلانه عظم الله اجرك
هلا والله اجرنا واجرك
الله يجمعك بها في الفردوس ياارب
هي تقول اامييييييييييين
عاد السلك زي ماقلت لكم مافيه
قلت انا الا بشريني عن الوالده عسااها الحين احسن خخخخخخخخخخخخخ
قالت هي هوووووووووو انتي تعزيني في مين اجل

وهذا موقف ثاني قريته وظحكت عليه ::
مرة راجعة من بيت اهلي مع عيالي وفتحت باب الشارع ونسيت المفتاح عليه...ولما جيت افتح باب البيت ما لقيت معي المفتاح وضاق صدري احسب اني ناسيته في البيت و مدري وش اسوي وعيالي يصيحون ..وانا اقول اسكتوا خلوني افكر...! واتذكر الجوال (هذا اللي قدرت عليه) قلت خلاص ما فيه الا اكلم امي ترسل لي احد ياخذني مرة ثانية وشايله هم اني ابكسر الباب ....
وفعلا كلمت امي وقلت لها انا محبوسه في المدخل دوري احد يجيبني...وتاخذ امي عاطفة الامومة والمشاركة قالت ابشري....!!!
وجاني ولد اخوي واركب معاه واعلمه السالفه...قال ببراءة اجل وشلون دخلتي الحوش...؟
واشبك بعد فوات الاوان ...قلت صدقت !! امزح معكم بس لا تعلم احد...

وبرضو هذا موقف قريته يظحك تقول فيه ::
وبعد مره عند اهلي وعيالنا مجتمعين يلعبون وصوتهم عاااالي والمغرب يأذن وولدي الصغير على رجلي يصيح بعنف واختي جنبي وتلفون اهلي يرن ما احد يشيله ...فاسلاكي تشابكت ..حطيت المصاصه في فم اختي..ورفعت السماعه وقلت الله اكبر..

وهذا ثاني بعد قريته وظحكت عليه تقول راعيت الموقف ::مره جيت بدخل الحمام وانتو بكراامه جيت بقول اللهم اني اعوذ بك من الخبث والخبائث
دخلت بسررعه وقلت السلام عليكم

وهالموقف تقطعت من الظحك تقول صاحبه الموقف: مره من الربشه ازعاج وعيالي فكل مكان الحليب عالارض مكبوب والالعاب في كل مكان والتلفزيون مشغل بأعلى صوت وماكان عندنا شغاله وبنادي ولدي الي جالس يصرخ المشكله كلهم يصرخون ويراكضون واااوه ياكثرهم
المهم هو اسمه عبدالمحسن ويوم جيت اناديه الا السلك مفصوووووووول وماعنده نيه يشتغل واقول هييه انت يااا... وش اسمك عبد الـمسيح ياعبد المسيح لاااتصررخ وانتبه ويشبك الخط علطوول واقول واااوه وش انا اقول استغفرالله ياعبدالمحسسسسسسن ..

وهذا موقف يظحك بعد ::
مره كنت مع السواق طالعه من الشغل .. ابي اخد بنتي ونوقف على جنب عشان الزحمه ..
السواق راح نادا ورجع ... يوم رجع واشوف قدامنا سياره تشبه سيارتنا وينفصل السلك واقوول هيييييييي هذي سيارتنا ( اكلم روحي واقول) هي اصبري يابنت الحلال ان بعض الظن اثم ..يووه الا شكله هو ولد الحرام وي رايح خل اشوف بس ادق على جواله اخزئه .. وادق على جوااله مير يرده هو على طول .. مانتبهت انه معي والمشكله اني بالسياره ويرد ويقول ايوه ؟؟
اقول : يااحبيييب وين انتا الحين ؟؟
واسمع السواق يظحك ويشبك السلك بسرعه البرق .. وااو وياخزياااه بس..عاد انتم تخيلوا الباقي .ازين لي اسكت .

وهذا ثاني :...مرة من المرارير .....كنا في مكة الله يشرفها ...
وساكنين في فندق مقابل الحرم ...وفي الدور ال17 ....المهم انا وعيالي
وتونا داخلين وزوجي تحت يخلص الإجراءت ...كان وقت صلاة العصر ...
لبست الجلال ابا اصلي ....وادور في الغرفة ...واطلطل في الجدران ...
وارفع اللوحات اللي في الجدران ...وادور وادور ........
.(تدرون وش ادور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟)....ا دور القبلة ......!!!!!
ويوم دخل ولدي ...واسئلة بسرعة ...(شف يوليدي ...وين القبلة ....؟؟؟شف الغرفة الثانية
فيها ستيكر حق اتجاة القبلة ؟؟؟؟واثقة وانا اسأل ...وولدي وصلت حنوكة لين سره من الروعه
وجهة مسوي تسذا (تلقينة يقول امي انهبلت .....)
وانا اقول ....يالله عجل ....يوم جا فتح الستارة ,,,وإلين الكعبة قبالي ....قال يمممممممممه ..
شوفي الكعبة .......(انا صار وجهي )....قلت ...يالله خلاص ...رح فيذاك ولاتعلم احد





اتمنى يعجبكم الموضوع وشاركونا في مواقفكم...




منقول

_________________
avatar
غرشوب
كبار الشخصيات
كبار الشخصيات

المساهمات : 328
تاريخ التسجيل : 13/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انفصال اسلاك الذكاء ..

مُساهمة  كيفي عنيده في الجمعة ديسمبر 21, 2007 9:50 am

ههههههههههههههههههههههههه

يسلموووووووووووووووووووووووووو غرشوب
بصراحه مني مذكره موقف لكن ان شاء الله لاتذكرت رجعت وقلته
مشكووووووووووووووووووووووووووووره ما تقصرين
من جد مواقف تفطس من الضحك
avatar
كيفي عنيده
مديرون
مديرون

المساهمات : 483
تاريخ التسجيل : 26/11/2007

معاينة صفحة البيانات الشخصي للعضو http://h0peful-butterfly.ahlamontada.com/index.htm

الرجوع الى أعلى الصفحة اذهب الى الأسفل

رد: انفصال اسلاك الذكاء ..

مُساهمة  غرشوب في السبت ديسمبر 22, 2007 7:07 pm

الله يسلمك


يالله افتكر بسرعه scratch

انا استنى



ههههههههههههههههههههه


شاكرد حضورك في فحتي

_________________
avatar
غرشوب
كبار الشخصيات
كبار الشخصيات

المساهمات : 328
تاريخ التسجيل : 13/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى